займы онлайн займ на карту займ онлайн займы на карту займы онлайн на карту микрозаймы онлайн микрозайм онлайн микрозайм на карту микрозаймы кредит онлайн на карту займ на карту онлайн кредит на карту срочный займ на карту займ онлайн на карту микрозаймы на карту

Author: Musa Musa

AKHRI: Ciidanka Itoobiya oo Arin Fool Xun ka geystay Gobolka Bakool

Wararka ka imaanaya Deegaanka Buur-Dhuxulle ee Gobolka Bakool ayaa waxay sheegayaan in lagu xiray halkaas 7 Ruux oo ahaa Wadayaal darawalo ka ah Gawaari Xamuul ah iyo Gaadiidkoodiiba,waxaana ay u xiran yihiin Ciidamo Itoobiyaan ah oo jooga halkaasi.

Cabdullahi Max’ed Aadan oo ka mid ah Darawaliinta u xiran Ciidamada Itoobiya ayaa waxaa uu sheegay in sabab la’aan ay u xiran yihiin muddo 15 Maalmood ah,sidoo kalena aysan cunto ku helin meesha ay ku jiraan.

Waxaa uu sheegay in aan jir dil loogeysan laakiin ay diideen Ciidamada Itoobiya in ay sii daayaan,waxaana uu sababta ay ugu xiran yihiin ku sheegay in ay tahay Qarax bil ka hor ka dhacay Buur-Dhuxulle oo ay Ciidamada Itoobiya sheegeen inta dadkii qaraxsaasi geystay laga keenayo aan iyaga la sii deyn doonin.

Cabdullaahi waxaa uu sheegay in Saraakiisha Soomaalida ah ee joogta halkaasi aysan awood u lahayn in ay la hadlaan Ciidamada Itoobiya,waxaana uu intaa ku daray in Ciidamada Itoobiyaanka ay u sheegeen in aysan ka amar qaadan Dowladda Soomaaliya saraakiisha ka joogta halkaasi.

700 Haween Ah oo la sheegay inay Argagaxisada Qoriga uqaadeen

Warbixin Cusub oo soo baxday maanta oo Sabti ah ayaa sheegeysa in Kooxaha Argagaxisada Maleeshiyaadka Cusub ay qoranayaan ay sii kordheen.

Kooxda isku magacowday Dawlada Islaamiga Ee Daacish la yiraahdo ayaa caqabad loo arkaa inay ku tahay Caalamka kuwaasi oo weeraro badan oo dhiig ku daatay fuliyey.

Wasiirka Wasaarada Haweenka Waddanka Tunisia Marwo Samira Merai ayaa Baarlamaanka dalkeeda ka sheegtay in 700 Haween ah oo Waddankaasi ka tegay ay usocdaaleen Siiriya iyagoo hadda ka bar bar dagaalamaya Daacish.

Wasiir Merai waxay sheegtay in loo baahan yahay wacyi gelin in loo sameeyo dadka oo ah inan la aadin dhiigyo cab Muslim iyo Kirishtaan aan ukala naxeen oo ay Daacish ula jeeday.

XOG: Yaa Wada in AMISOM la geenayo Magaalada Gaalkacyo??

Sida ay heshay ilo wareed lagu Kalsoon yahay Wakaalada Wararka Warqaad.com oo ku Aadan Magaalada Gaalkacyo ayaa la sheegay in la damacsan yahay in Ciidan la geeyo Halkaasi.

Qorshe la doonayo ayaa waxa uu yahay baa la yiri in Ciidanka AMISOM gaar ahaan kuwooda ka socda Waddanka Itoobiya la geeyo Magaalada Gaalkacyo.

Urur Gobolleedka IGAD ayaa waxa danjiraheeda Maxamed Cabdi Affeey oo ah uqaabilsanaha Arimaha Soomaaliya uu sheegay inay Gaalkacyo oo Nabad ah wax walbo usameyn doonaan.

Hadalka Danjire Affeey ayaa ah mid si sarbeeb ah uu ku doonayey in Gaalkacyo lagu geeyo Ciidanka Itoobiya taasoo dadku ay arintaasi ku farxi doonin.

Hore waxa in Ciidanka Itoobiya Gaalkacyo la geeyo ka digay Axmed Macalin Fiqi oo ah Siyaasi kasoo jeeda Gobollada Dhexe Ee Soomaaliya.

 

Maxaa maanta ka cusub Gaalkacyo?+Gaas & Guuleed oo wada Qorshe…

Xaalada Magaalada Gaalkacyo ee Xarunta Gobolka Mudug ayaa waxey tahay mid deggan kadib Xiisad dagaal oo Saacadihii lasoo dhaafay halkaasi ka jireen.

Waxa socda qorshihii lagu dhameenayey Dagaalka keenay inay Puntland iyo Galmudug dhexmaraan oo Shacab farabadana ay ku waxyeeloobaan.

R/wasaaraha Dalka Mudane Cumar C/rashiid Cali Sharma’arke iyo wafuuda ka socota Beesha Caalamka ayaa waxay sheegeen maanta la doonayo kala qaadida ciidanka is horfadhiya ee dagaalamay.

Sidii hore waa ka duwanaan doontaa oo waxa si cad la iskugu sheegayaa in tallaabo Cad laga qaadayo qoladii dhago adeeg sameysa.

Madaxweynaha Galmudug C/kiriin Xuseen Guuleed ayaa waxa uu isagu kaga dhaw yahay xal raadinta Nabadeed ee Gaalkacyo Madaxweyne C/weli Maxamed Cali Gaas oo ah Hogaamiyaha Puntland.

AL SHABAAB oo si yaab leh u dilay Nin Sixiroole ay ku sheegeen…

Kooxda Al Shabaab ayaa dilay nin ay ku sheegeen in uu ahaa Sixiroole, muddo 15 sano ahna uu ku shaqeysanaayay Sixirkaasi, sida uu sheegay Qaadiga Maxkamada Gobolka Hiiraan ee Maleeshiyaadka Al Shabaab.

Toogashadan ayaa waxa ay ka dhacday deegaan lagu magacaabo Show oo ku yaallo duleedka Degmada Jalalaqsi ee Gobolka Hiiraan, waxaana fagaaraha lagu tooganaayay ninkaasi u soo daawasho tagay Boqolaal dadweyne ah.

Ninka Shabaabka ay toogteen ayaa lagu magacaabi jiray Xasan Cabdi Guuleed da’diisuna waxa ay aheyd 48 sano jir, sida uu cadeeyay Qaadigii xukunka maxkamada ku dhawaaqay.

Shabaabka ayaa sheegay xilliga ninkan ay soo qabanayeen inuu ku guda jiray falka Sixirka ah, waxaana inta badan uu caan ku ahaa sida Shabaabka ay sheegeen inuu sameeyo waxa loogu yeero (Madiido) oo macnaheeda uu yahay labo qof oo isjecel in la kala geeyo, labo qof oo is necebna in la is jecleysiiyo.

XOG: R/W CCC oo ka dhabeynaya balanqaadkiisii & Gaas iyo Guuleed oo…

Ra’iisul wasaaraha Soomaaliya ayaa ka dhabeynaya balanqaad uu dhawaan ka sheegay magaalada Gaalkacyo oo ahaa inuusan magaalada ka laaban doonin ilaa xal buuxa laga gaaro xiisadaha colaadeed ee ka taagan magaalada.

Waxaa soo dhawaanaya rajada uu qabo Cumar C/rashiid ee aheyd inuusan kasoo laaban magaalada Gaalkacyo ilaa colaada laga dhameeyo, taasi oo qasabtay inuu ka baaqdo labo safar uu ku tagi lahaa dalalka faransiiska iyo Uk.

Maanta ayaa la qorsheynayaa in la kala qaado dhamaan ciidamada maamulada Puntland iyo Galmudug ee isku horfadhiya magaalada Gaalkacyo kuna dagaalamay magaalada labo jeer oo maalin kamid ah goobjoog uu ahaa Cumar C.rashiid.

Waxaa la filayaa in sidoo kale labada madaxweyne ay lug ku maraan magaalada Gaalkacyo una kala gudbaan labada dhinac ee waqooyi iyo koofur si loo muujiyo in xal waara laga gaaray xiisadii ka taagneyd magaalada Gaalkacyo ee gobolka Mudug.

Wasiirka arimaha gudaha xukuumada Soomaaoiya C/raxmaan Maxamed Xuseen Odowaa ayaa shalay si cad u sheegay iney meel wanaagsan marayaan fulinta balanqaadyadii ra’iisul wasaaraha Soomaaliya, maantana la qorsheynayo in xal buuxa laga gaaro dagaalada.

Waxaa uu sheegay Odowaa, in la xisaabtan adag lala sameyn doono labada dhinac ee Puntland iyo Galmudud midkood ruuxii jibiyaa hishiiska iyo nabad galyada magaalada Gaalkacyo.

Sawirro: Mucjiso ka yaabisay bani’aadamka oo la arkay

Dhacdadaani ayaa soo jiidatay indhaha Caalamka kadib markii Carruurtaani wada dhashay ay nasiib u yeesheen in xubinta ugu haboon jirkooda ay ku yeeshaan banaanka sare.

Waxa ay qeyb ka tahay mucjisooyinka alle waxaana mid walba la arkayaa garaaca wadnahooda, balse wax dhibaato ah kuma qabaan.

Dareen gaar kuma hayo muuqaalka wadnahooda ee banaanka sare ku yaalla, iskaba daaye inay dareeman xanuun ama dhibaato la xiriirta garaaca.

Mid kamid ah Carruurtaasi ayaa waxaa lagu magacaaba Audrey waana seddax jir iyo walaasheed oo lix jir ayaa waalidkood daryeel caafimaad u geeyay dalka Mareykanka si loogu sameeyo qaliin heer caalami ah, waxayna ka tageen Ruushka oo ay u dhasheen.

mucj3 mucj2 mucj1

ARAG Sawir yaab leh oo lagu kashifay Faa’idada AMISOM iyo AL-SHABABAAB ee Dagaalka Gaalkacyo

shabakadani waxay halkan idin kugu soo gudbineysaa Sawir Gacmeed Cajiib ah oo lagu kashifay Faa’idada Dagaalka Gaalkacyo ugu jirta Al-shabaab iyo AMISOM.

amin

Xog Cusub: Ethiopia oo ciidamo geneysa Magaalada Gaalkacyo

Sida ay sheegayaan wararka laga helayo Madaxtooyada Villa Somalia waxa socda dadaal ay beesha caalamka ku dooneyso in ciidamo ka socda AMISOM oo ilaa 400 askari ah loo diro magaalada Gaalkacyo si loo kala dhex dhigo ciidamada maamulada Puntland iyo Galmudug ee dagaaladu u dhaxeeyaan.

Shirar kala duwan ayaa ka dhacay magaalooyinka Muqdisho iyo Nairobi oo ku saabsan sidii xal waara loogu heli lahaa xiisada colaadeed ee magaalada Gaalkacyo, waxayna arrinta ah in ciidamo AMISOM ah loo diro Gaalkacyo ay sii xoogeysatay markii ay dagaalada kasoo cusboonaadeen shalay magaaladaasi kadib heshiiskii la saxiixay.

Shirkii dhex maray madaxweynaha Soomaaliya Xasan Sheekh Maxamuud iyo Wakiilada Beesha Caalamka ka joogo Magaalada Muqdisho ayaa lagu soo qaaday arrintan iyadoo madaxweynuhu sheegay in arrinta ay gacanta ku hayaan madaxda dowladda oo xaaladda lasoo afjari doono, welina aanay jirin baahi loo qabo in ciidamo AMISOM ah loo diro.

Shir kale oo saraakiisha AMISOM ku yeesheen Nairobi ayay wararku sheegayaan in dowladda Itoobiya ay ku yaboohday inay diyaar la tahay ciidamo la geeyo magaalada Gaalkacyo ayna halkaasi ku gaari karto muddo 24 saacadood ah, taasoo ay dersayaan Midowga Afrika oo dowladda Soomaaliya, kala hadlay kadib markii arrintaasi ay soo jeedisay beesha caalamka.

Dad badan ayaa qaba ujeedada loo huriyay dagaalka magaalada Gaalkacyo inay markii horeba ahayd in ciidamo AMISOM ah la geeyo degaankaasi.

Top News: Beesha Caalamka oo Hanjabaad kasoo saartay Arinta G/kacyo

Bayaan ay si wada jir ah u soo saareen xafiisyada ay Soomaaliya ku leeyihiin Q,M, Midawga Africa, urur goboleedka IGAD midawga Yurub iyo wadamo kale oo Soomaaliya taageera ayaa waxay ku cambaareeyeen dagaalkii shalay ka dhacay magaalada Gaalkacyo ee xarunta gobolka Mudug.

Warkaan waxaa lagu sheegay in beesha caalamku ay ka xuntahay in dagaal uu mar kale dib uga dhaco magaalada Gaalkacyo ayadoo heshiis lakala saxiixday.

Sidoo kale war saxaafadeedkaan waxaa lagu xusay inay ayaan darro tahay in ayadoo ay madaxda maamulada Galmudug iyo Puntland ay heshiis wada saxiixdeen in hadda uu mar kale dhiig ku daato magaalada.

Maamulada ku dagaalamay Gaalkacyo ayaa war saxaafadeedkaan kasoo baxay xafiisyada wadamada beesha caalamku Soomaaliya ku leeyihiin waxaa loogu jeediyay inay dhaqan galiyaan heshiiskii ay saxiixeen oo ay kala qaadaan ciidamada si dadkii barakacay ay guryahooda dib ugu laabtaaan.

“Beesha caalamku uma dulqaadanayso inuu sii socdo dagaalka lagu daadinayo dhiiga maatida sidaa darteed dawlada federalka ah waa inay u dirtaa Gaalkacyo guddi madax banaan oo qiimeyn ku sameeya cidda diidan nabadeynta” ayaa lagu yiri warkaan.

Wadamada bayaankaan soo saaray ayaa sidoo kale soo jeedinaya in ciddi jabisay xabad joojintii la saxiixay lala xisaabgtamo.

Ugu dambeyn war saxaafadeedkaan waxaa lagu yiri “Beesha caalamku waxay taageersantahay dadaalka ay dawlada Soomaaliya gaar ahaan R/wasaaraha Soomaaliya uu wado ee la doonayo in dagaalka  lagu dhameeyo

Maalintii shalay ciidamada Galmudug iyo Puntland ayaa madafiic isku dhaafsaday magaalada dhexdeeda taasoo dhalisay khasaaro naf iyo maalba leh.

'